نیشنل ویمن باسکٹ بال چیمپئن شپ 9 اکتوبر سے فیصل آباد میں ہو گی
لاہور(سپورٹس رپورٹر) نیشنل ویمن باسکٹ بال چیمپئن شپ 9 سے 13 اکتوبر 2015ء فیصل آباد میں منعقد ہوگی۔ اس بات کا اعلان پاکستان باسکٹ بال فیڈریش کے سیکرٹری خالد بشیر نے کیا۔ انہوں نے کہا کہ چیمپئن شپ گورنمنٹ اسلامیہ کالج فار ویمن مدینہ ٹاون فیصل آباد ہوگی جس میں واپڈا، آرمی، نیوی، پولیس، پی اے ایف، ایچ ای سی سمیت تمام ڈویژنل باسکٹ بال ایسوسی ایشن کی ٹیمیں حصہ لینگی۔نیشنل ویمن باسکٹ بال چیمپئن شپ سے خواتین کھلاڑیوں کو اپنی صلاحیتوں کے۔ اظہار کا موقع ملے گا۔ ہماری کوشش ہوگی کہ چیمپئن شپ سے بہترین کھلاڑیوں کا بھی انتخاب کیا جائے۔ اگر پاکستان کی مینز اور ویمنز ٹیموں کو ساوتھ ایشین گیمز کے لیے سکواڈ میں شامل کیا گیا تو اس چیمپئن شپ سے ہمیں ٹیلنٹ کی تلاش میں بھی مدد ملے گی۔
