پاکپتن (نامہ نگار) نامعلوم چار کار سواروں کی پولیس وین پر فائرنگ، ایک پولیس اہلکار زخمی، ملزمان قتل ڈکیتی کے ملزم کو ہتھکڑیوں سمیت چھڑا کر فرار۔ بتایا گیا ہے کہ پولیس تھانہ سٹی پاکپتن کے اہلکار ساہیوال روڈ پر دوران ڈکیتی نوجوان تاجر کے قتل کے الزام میں صدام نامی شخص عدالت میں پیش کرکے واپس تھانہ سٹی جارہے تھے گرین ٹائون کے قریب نامعلوم چار کار سوار مسلح افراد نے اچانک پولیس کی گاڑی پر فائرنگ کردی جس کے باعث گولی لگنے سے پولیس اہلکار خلیل شدید زخمی ہو گیا ملزمان اپنے ساتھی صدام کو پولیس حراست سے ہتھکڑیوں سمیت چھڑا کر کار میں فرار ہو گئے۔ زخمی پولیس اہلکار کو تشویشناک حالت کے باعث ہسپتال منتقل کردیا گیا ہے۔