جہانیاں (آئی این پی) قراقرم ایکسپریس پر کراچی سے سرگودھا جانے والا مسافر جہانیاں کے قریب گر کر جاں بحق۔ متوفی کا نام مسعود احمد سکنہ تحصیل شاہ پور ضلع سرگودھا معلوم ہوا ہے۔ متوفی کی جیب سے موبائل‘ کراچی تا فیصل آباد کی ریلوے ٹکٹ‘ 21 ہزار روپے بھی ملے ہیں۔ بتایا جاتا ہے متوفی کراچی میں نجی کمپنی میں ملازم تھا اور چھٹی پر دیگر ساتھیوں کے ہمراہ اپنے گھر جا رہا تھا۔ متوفی کے دیگر ساتھی خانیوال سٹیشن پر اتر گئے اور واپس جہانیاں پہنچ گئے۔ پوسٹ مارٹم کے بعد نعش ساتھیوں کے حوالے کر دی گئی۔