پسرور (نامہ نگار) عید الاضحی کے موقع پرورکنگ بائونڈری پر واقع سچیت گڑھ پوسٹ اور لائن آف کنٹرول پر چکن دا باغ اور منڈھیر کراسنگ پوائنٹس پر بھارتی بارڈر سکیورٹی فورس کی طرف سے خیرسگالی کے طور پر پاکستان رینجرز کو مٹھائی اور ڈرائی فروٹس دیئے گئے۔ جواب میں پاکستان کی طرف سے بھی رینجرز نے عید کے مقدس تہوار پر بی ایس ایف کو مٹھائی اور ڈرائی فروٹس دیئے۔ قبل ازیں 25جون کو میلہ چابنبلے وال میںدونوں اطراف سے مٹھائی اور تحائف کا تبادلہ ہوا تھا۔