لاہور(سپورٹس رپورٹر) پاکستان ہاکی فیڈریشن کے زیر اہتمام پی ایچ ایف کوچنگ ایجویکشن پروگرام آج 28 ستمبر سے آرمی ہاکی سٹڈیم راولپنڈی میں شروع ہوگا۔ قومی ہاکی ٹیم کے کپتان ایم عمران کو بھی کوچنگ کی جانب لانے کے لیے انہیں بھی کورس میں طلب کیا گیا ہے۔ ایف آئی ایچ ماسٹر کوچ طاہر زمان کورس کنڈکٹر جبکہ اولمپیئن خواجہ جنید چیف کوآرڈینیٹر اور لیفٹیننٹ کرنل (ر) ندیم احمد بھٹی کورس کوارڈینیٹر ہونگے۔ 5 اکتوبر تک جاری رہنے والے کورس کے لیے جن 18 کوچز کو طلب کیا گیا ہے ان میں میجر اسد ضیاءملک، ایم عثمان شیخ، ایم ثقلین، ایم سرور، مدثر علی خان، مرزا وحید بیگ، بابر عبداﷲ، ایم خالد، خاور جاوید، ایم علی خان، کامران اشرف، ڈاکٹر عاطف بشیر، ایم رشید، ریحان بٹ، ایم کاشف جواد، ایم عمران، جنید خان جدون، کامران صابر شامل ہیں۔ پی ایچ ایف کی جانب سے کورس کے لیے اعلان کردہ تمام کوچز کو ہدایت کی گئی ہے کہ وہ آج 28 ستمبر کورس کنڈکٹر طاہر زمان کو رپورٹ کریں۔