لاہور(سپورٹس رپورٹر)پاکستان سکواش فیڈریشن کے زیراہتمام چیف آف ایئر سٹاف انٹرنیشنل سکواش ٹورنامنٹ آج منگل سے مصحف سکواش کمپلیکس اسلام آباد میں شروع ہوگا۔ ٹورنامنٹ میں پاکستان سمیت مصر، امریکہ، آسٹریا اور نیوزی لینڈ کے 48 کھلاڑی شرکت کریں گے۔ ٹورنامنٹ کا پری کوالیفائنگ راونڈ آج سے یکم اکتوبر تک کھیلا جائے گا، کوالیفائنگ راونڈ 2 اکتوبر، مین راونڈ 3 سے 5 اکتوبر جبکہ فائنل 6 اکتوبر کو چار بجے کھیلا جائے گا۔ ٹورنامنٹ کے انعقاد کیلئے تمام تیاریاں مکمل کر لی گئی ہیں۔ ٹورنامنٹ میں کھلاڑیوں کیلئے 25 ہزار ڈالر کی انعامی رقم رکھی گئی ہے اور یہ ٹورنامنٹ 6 اکتوبر تک جاری رہے گا۔