لاہور(سپورٹس رپورٹر) ہاکی کلب کوجرہ کے سینئر کوچ اولمپئن دانش کلیم، اولمپئن ایم خالد نے کہا ہے کہ پی ٹی یعقوب میموریل ہاکی ٹورنامنٹ کے انعقاد کے لیے کسی سے کوئی چندہ نہیں لیا جا رہا ہے۔ رشید الحسن اکیڈمی کا گوجرہ میں کوئی وجود نہیں ہے اس کے سرپرست اعلیٰ جھوٹا پروپیگنڈا کر کے لوگوں کو گمراہ کر رہے ہیں۔ گوجرہ میں سابق اولمپیئن کی جانب سے کیے جانے والے منفی پروپیگنڈا کی شدید الفاظ میں مزمت کرتے ہیں۔ رشید الحسن کئی سالوں سے گوجرہ میں نہیں آئے ہیں، ایک ایسا شخص جو گوجرہ میں رہتا بھی نہیں ہے اس کی جانب سے گوجرہ میں منعقد ہونے والے ہاکی ٹورنامنٹ کی مخالفت کرنا زیب نہیں دیتا ہے۔