کراچی (نوائے وقت رپورٹ) محکمہ اینٹی کرپشن نے کراچی میں لائیو سٹاک اور محکمہ ایکسائز اینڈ ٹیکسیشن کے دفتر پر چھاپہ مارا۔ محکمہ لائیو سٹاک میں 4 کروڑ 40 لاکھ روپے کی جانوروں کی دوائوں میں خوردبرد کا انکشاف ہوا ہے۔ ڈائریکٹر اینٹی کرپشن نذر محمد نے کہا ہے کہ چھاپے کے دوران تمام ریکارڈ بھی ضبط کرلیا گیا ہے۔ محکمہ ایکسائز اینڈ ٹیکسیشن کا تمام ریکارڈ قبضے میں لے لیا گیا ہے۔ چھاپے کے دوران کوئی گرفتاری عمل میں نہیں آئی۔ سندھ بلڈنگ کنٹرول اتھارٹی کے دفتر پر بھی اینٹی کرپشن ٹیم نے چھاپہ مارا۔