کراچی (سپورٹس رپورٹر)پاکستان اور بنگلہ دیش کی ویمنز کرکٹ ٹیموں کے مابین دو ون ڈے انٹر نیشنل میچوں کی سیریز کا پہلا میچ آج کراچی میں کھیلا جائے گا ۔پاکستان ویمنز کرکٹ ٹیم کی کپتان ثنا میر نے کہا ہے کہ بنگلہ دیش کے خلاف ٹی20سیریز کی طرح ون ڈے انٹر نیشنل سیریز بھی جیتنے کی کوشش کریں گے لیکن حریف ٹیم سے سخت مقابلے کی توقع ہیٖ ‘غلطیوں پر قابو پانے کی کوشش کریں گے ‘وہ ون ڈے میچوں کی ٹرافی کی تقریب رونمائی سے خطاب کر رہی تھیں۔مہمان کپتان سلمیٰ خاتون نے بھی خطاب کیا ۔