لاہور(خصوصی نامہ نگار) جماعت اسلامی کے سینیٹر سراج الحق کسانوں کے حقوق کے لیے کسان راج تحریک کا باقاعدہ آغاز آج رحیم یارخان سے کررہے ہیں ۔ وہ ماچھی گوٹھ میں یونائیٹڈ شوگر ملز اور فاطمہ شوگر ملز کے مقام پر جلسوں سے خطاب کریں گے کل 6 اکتوبرکو وہ چنی گوٹھ جی ٹی روڈ بہاولپور تا ستلج پل احتجاجی مارچ سے خطاب اور جہانیاں تا لودھراں کسان راج ریلی کی قیادت کریں گے۔ 7 اکتوبرکو جہانیاں تا نیازی چوک خانیوال کسان راج ریلی کی قیادت اور نیازی چوک خانیوال میں جلسہ عام سے خطاب کریں گے۔ 8 ؍اکتوبر کو سراج الحق چیچہ وطنی ، ساہیوال اور اوکاڑہ میں کسان راج جلسوں خطاب کریں گے جبکہ 9؍ اکتوبر کو ڈی چوک اسلام آباد میں کسان راج دھرنا میں شرکت و خطاب کریں گے ۔