واشنگٹن (اے پی پی) امریکی ریاست ٹینسی میں بچوں کے جھگڑے میں گیارہ سالہ لڑکے نے آٹھ سالہ پڑوسی لڑکی کو گولی مار کر قتل کردیا۔ وائٹ پائن کے علاقے میں لڑکی کی غمزدہ ماں لتاشا ڈائر نے پولیس کو بتایا کہ اس کی آٹھ سالہ بچی میک کائلہ گھر کے باہر کھیل رہی تھی کہ پڑوس کے گھر کے ایک لڑکے نے اسے اپنا پلا دکھانے کو کہا جبکہ میری بیٹی نے انکار کر دیا۔ لڑکا غصے میں آکر اپنے گھر سے پستول لایا اور اسے سینے پرگولی ماری جس پر وہ موقع پر ہلاک ہو گئی۔پولیس نے مقدمہ درج کر کے تفتیش شروع کر دی ہے۔