مقبوضہ بیت المقدس: اسرائیلی فورسز کی فلسطینی مظاہرین پر فائرنگ ، جھڑپیں، ایک اور نوجوان شہید،170 زخمی
مقبوضہ بیت المقدس+طولکرم+غزہ+یافا (اے این این) مقبوضہ مغربی کنارے میں مظاہرے کے دوران اسرائیلی فوج کی فائرنگ سے ایک اور فلسطینی نوجوان شہید ہو گیا جبکہ جھڑپوں میں 170 سے زائد فلسطینی زخمی ہو گئے۔ ،اسرائیل نے دوفلسطینیوں کے گھر مسمار کر دیئے ۔گزشتہ روز مقبوضہ مغربی کنارے کے علاقے بیت اللحم میں اسرائیلی فوج کی فائرنگ سے 13سالہ فلسطینی عبدالرحمان عبیداللہ شہید ہوا۔ واقعہ کے خلاف سینکڑوں فلسطینیوں نے مقبوضہ بیت المقدس اور مغربی کنارے میں اسرائیل کے خلاف احتجاج کیا۔
