راجن پور : کچے کے علاقے میں ڈاکوﺅں کیخلاف جاری آپریشن میں پاک فضائیہ بھی شامل
راجن پور(آن لائن) روجھان مزاری کے کچے کے علاقے میں روپوش ڈاکوو¿ں کے خلاف4 روز سے جاری آپریشن میں پولیس اور رینجرز کے بعد اب پاک فضائیہ بھی شامل ہوگئی۔تفصیلات کے مطابق راجن پور کی تحصیل روجھان مزاری میں دریائے سندھ کے کچے کے علاقے میں روپوش بدنام زمانہ ڈکیت گروپ چھوٹو گینگ کے خلاف گزشتہ 4 روز سے آپریشن جاری ہے جس میں پولیس کے 5 سو سے زائد اہلکاروں کے علاوہ رینجرز کے جوان بھی شامل ہیں، ڈاکوو¿ں کی جانب سے شدید مزاحمت پر پولیس کی مدد کے لئے گزشتہ روز رینجرزکے اہلکار پہنچے تاہم ڈاکوﺅں کے خلاف اس آپریشن مےں پاک فضائیہ بھی شامل ہوگئی،پاک فضائیہ کے 2 گن شپ ہیلی کاپٹرز کچہ جمال اورکچہ کراچی میں ڈاکوو¿ں کے مشتبہ ٹھکانوں کو وقفے وقفے سے نشانہ بنایا ہے جبکہ ڈاکوو¿ں کی جانب سے بھی شدید فائرنگ کی جارہی ہے،پولیس کے مطابق گزشتہ 4 روز کے دوران ڈاکوو¿ں کی فائرنگ سے ایک اہلکار جاں بحق جبکہ 9 زخمی ہوئے ہیں تاہم ڈاکوو¿ں کو ہونے والے جانی نقصان کے بارے میں کچھ نہیں کہا جاسکتا۔
راجن پور/آپریشن
