صنعا (اے ایف پی+رائٹر) یمن میں شادی کی تقریب کے دوران بمباری سے28افراد ہلاک 10زخمی ہو گئے۔ تفصیلات کے مطابق صوبہ دھمار کے علاقے سنبان میں جنگی طیاروں نے ایک گھر کو نشانہ بنایا جس میں شادی کی تقریب جاری تھی۔ جس سے 28افراد ہلاک، 10زخمی ہو گئے۔ زخمیوں کو ہسپتال منتقل کر دیا گیا جن میں متعدد کی حالت تشویشناک ہے۔ عینی شاہدین کے مطابق اور باغیوں کے ٹی وی المصیرہ نے دعویٰ کیا ہے کہ سعودی اتحاد کے جنگی طیاروں نے حملہ کیا۔ رائٹر کے مطابق مرنے والوں میں تین دولہے بھی شامل تھے۔ تین بھائیوں کی ایک ساتھ شادی ہو رہی تھی ۔ تینوں بھائی دولہا بنے اپنی دلہنوں کا انتظار کر رہے تھے کہ گھر پر میزائل برسا دئیے گئے۔ دوسری جانب فرانسیسی نیوز ایجنسی کے مطابق سعودی اتحاد کے ترجمان نے کہا کہ دھمار میں کوئی آپریشن نہیں کیا گیا اور نہ ہی کسی شادی کی تقریب کو نشانہ بنایا گیا۔

یمن