اسلام آباد (اے پی پی) پاکستان کبڈی فیڈریشن کے زیراہتمام قومی ایشین سٹائل کبڈی چیمپئن شپ کل اتوار سے پاکستان سپورٹس کمپلیکس کے حمیدی ہال میں شروع ہوگی۔ آرمی، نیوی، ایئرفورس، ریلوے، واپڈا، پولیس، ہائرایجوکیشن کمیشن، پنجاب، سندھ، خیبر پی کے ، بلوچستان اور اسلام آباد کی ٹیمیں شامل ہیں۔ ہر گروپ سے دو، دو ٹیمیں سیمی فائنل کےلئے کوالیفائی کریں گی۔ منیجرز میٹنگ آج ہفتہ کو سہ پہر تین بجے ہوگی جس میں ایشین سٹائل کبڈی کے نئے قوانین کے بارے میں آگاہ کیا جائے گا اور چیمپئن شپ کے ڈراز کو آخری شکل دی جائے گی، چیمپئن شپ کا فائنل 14 اکتوبر کو کھیلا جائے گا۔