خضدار : ٹریفک حادثہ میں 2 پروفیسروں سمیت 3 افراد جاں بحق
کوئٹہ (بیورو رپورٹ) خضدار کے قریب ٹریفک کے المناک حادثہ میں 2 پروفیسرز اور ایک وارڈن سمیت تین افراد جاں بحق، تین خواتین زخمی ہو گئیں۔ ایدھی ذرائع کے مطابق اتوار کی صبح خضدار کے قریب سمبان کے مقام پر بلوچستان ریذیڈینشل کالج خضدار کے پروفیسرز کی کار سامنے سے آنے والی دوسری کار سے ٹکراگئی اور بے قابو ہو کر دو ر جا گری جس کے نتیجے میں پروفیسر محمد حنیف بلوچ، پروفیسر مہراللہ میراجی مینگل اور بی آرسی میں وارڈن نصیراحمد موسیانی موقع پر جاں بحق ہوگئے جبکہ دوسری گاڑی میں سوار تین خواتین شدید زخمی ہوگئیں ۔ ایدھی ایمبولینس کے ذریعے رضا کاروں نے زخمیوں اور جاں بحق افراد کو ٹیچنگ ہسپتال خضدار پہنچایا۔ ضروری کارروائی کے بعد نعشوں کو ان کے ورثاء کے حوالے کردیا گیا جبکہ زخمیوں کو ابتدائی طبی امداد کے بعد کوئٹہ منتقل کردیا گیا۔
