اسلام آباد (پ ر) بحریہ ٹائون اسلام آباد نے بحریہ انکلیو میں ’’کیفے مکائو‘‘ کا افتتاح کر دیا۔ تقریب کے مہمان خصوصی کموڈور (ر) محمد الیاس تھے۔ اس موقع پر خطاب کرتے ہوئے کموڈور (ر) الیاس نے کہا کہ بحریہ ٹائون ہمیشہ سے جدت اور نئے آئیڈیاز متعارف کروانے میں پیش پیش رہا ہے۔ چیئرمین بحریہ ٹائون ملک ریاض حسین کا وژن‘ شوق اور جنون دنیا کی بہترین سہولیات پاکستان میں متعارف کرانا ہے۔ عوام الناس میں بحریہ ٹائون کے پراجیکٹس کی بھرپور پذیرائی ہماری کامیابی کا منہ بولتا ثبوت ہے۔ اس موقع پر بحریہ ٹائون کی انتظامیہ‘ معززین شہر اور عوام الناس نے شرکت کی۔ کیفے مکائو بحریہ انکلیو میں واقع ایک خوبصورت کیفے ہے جس کا تھیم دلچسپ اور منفرد انٹریئر پر مشتمل ہے۔ کیفے مکائو میں مزید مینیو متعارف کروایا گیا ہے جبکہ اس کی تعمیر کیلئے بھی منفرد طرز تعمیر کا بھی انتخاب کیا گیا ہے۔ تقریب میں شریک لوگوں نے اس خوبصورت کیفے کے طرز تعمیر کی تعریف کی اور اسے اسلام آباد کی خوبصورتی میں دلچسپ اضافہ قرار دیا۔