فیروز وٹواں (نامہ نگار) ٹریفک حادثات میں خاتون ہلاک اور چھ افراد زخمی ہو گئے۔ بتایا گیا ہے کہ جی ٹی روڈ پر ننگل ساہداں کے قریب ویگن‘ ٹرک‘ کار اور موٹرسائیکل کے مشترکہ تصادم میں چھ افراد زخمی ہو گئے جن کو طبی امداد کیلئے ہسپتال داخل کرا دیا۔ حادثہ میں کار کا اگلا حصہ تباہ ہو گیا۔ دو زخمیوں کی حالت نازک بیان کی جاتی ہے۔ صدر پولیس نے واقعہ کی رپورٹ درج کر لی ہے۔ لاہور روڈ پر موٹرسائیکل پھسل جانے سے الٹ گئی جس کے نتیجہ میں عمران‘ اس کی بیوی زخمی ہو گئے۔ انہیں طبی امداد کیلئے ہسپتال داخل کرا دیا۔ رچنا ٹائون کے قریب ٹرک نے موٹرسائیکل سوار بہن بھائی کو روند ڈالا جس کے نتیجہ میں خاتون ثناء بی بی ہلاک‘ اس کا بھائی عیش بہادر شدید زخمی ہو گیا۔ اسے طبی امداد کیلئے ہسپتال داخل کرا دیا۔