لاہور (سٹاف رپورٹر) پنجاب ٹیکس بک بورڈ کی کرکٹ ٹیم نے ڈسٹرکٹ کرکٹ ایسوسی ایشن ساہیوال کی کرکٹ ٹیم کو 101 رنز سے شکست دے دی۔ دونوں ٹیموں کے درمیان ظفر علی کرکٹ سٹیڈیم ساہیوال میں میچ کے دوران پی ٹی بی کی کرکٹ ٹیم نے پہلے کھیلتے ہوئے مقررہ 40 اوورز میں 6 وکٹوں کے نقصان پر 221 رنز بنائے مجاہد علی نے 59 رنز ناٹ آؤٹ زبیر 46 رنز اور نوید ملک 45 رنز کے ساتھ پی ٹی بی کی طرف سے نمایاں رہے۔ جواب میں ڈسٹرکٹ کرکٹ ایسوسی ایشن ساہیوال کی ٹیم 120 رنز بنا کر آؤٹ ہو گئی۔ پی ٹی بی کرکٹ ٹیم کی طرف سے ٹیپو نے پانچ جبکہ زبیر نے 3 کھلاڑی آؤٹ کئے۔