لاہور(کامرس رپورٹر) تاجر برادری نے مسلم لیگ ن اور ان کے امیدوار سردار ایاز صادق کی این اے 122میں ضمنی الیکشن میں شاندار کامیابی پر مبارکباد پیش کی ہے لاہورایوان صنعت و تجارت کے صدر شیخ محمد ارشد ،پاکستان فلور ملز ایسوسی ایشن کے گروپ لیڈر عاصم رضا احمد ،پاکستان مسلم لیگ (ن)ٹریڈرز ونگ پنجاب کے سینئر نائب صدر خواجہ خاور رشید ،آل پاکستان انجمن تاجران کے صدر اشرف بھٹی ،انجمن تاجران آٹو پارٹس مارکیٹ کے صدر وقار اے میاں ،انجمن تاجران لنڈا بازار کے جنرل سیکرٹری نعیم بادشاہ اور انجمن تاجران لاہور کے صدر مجاہد مقصود بٹ نے ضمنی انتخابات میں سردار ایاز صادق کی جیت اور دیگر سیاسی جماعتوں کی طرف سے انتخابی نتائج قبول کرنے کا خیر مقدم کرتے ہوئے توقع ظاہر کی ہے کہ اب افہام و تفہیم کی فضا پیدا ہوگی۔