کراچی (نوائے وقت رپورٹ) کراچی کے علاقے لیاری رانگی واڑہ اور کلاکوٹ میں مبینہ پولیس مقابلے میں گینگ وار کے دو کارندے ہلاک ہو گئے۔ ایس ایس پی سٹی فدا حسین کے مطابق ملزم ٹارگٹ کلنگ، اغوا برائے تاوان، بھتہ خوری اور کریکر حملوں میں ملوث تھے۔ انہوں نے بھتہ نہ دینے پر دستی بم حملے بھی کئے۔ ہلاک ملزمان کا تعلق لیاری گینگ وار کے عزیر بلوچ گروپ سے ہے۔ ملزم محمد بلوچ عزیر بلوچ گروپ کا علاقائی کمانڈر تھا۔ دوسرا ملزم بلال عرف شاہ جی متعدد وارداتوں میں ملوث تھا۔