اسلام آباد (شفقت علی+نیشن رپورٹ) پاکستان پیپلزپارٹی کے چیئرمین بلاول بھٹو زرداری ایشیائی سیاسی جماعتوں کی خصوصی کانفرنس میں شرکت کیلئے بیجنگ پہنچ گئے ہیں اور انہوں نے گزشتہ روز اس کانفرنس میں شرکت کی۔ وہ دبئی کے راستے بیجنگ پہنچے۔ پارٹی رہنما شیری رحمن، فیصل کریم کنڈی اور جمیل سومرو بھی ان کے ہمراہ ہیں۔ یہ کانفرنس آج 14 سے شروع ہو گی اور 16 اکتوبر کو ختم ہو گی۔ ذرائع کے حوالے سے بلاول بھٹو زرداری نے کانفرنس کے دوران چینی رہنماؤں سے ملاقات کا پروگرام بھی بنایا ہے۔ بلاول بھٹو زرداری چین کو مستقبل کا گلوبل لیڈر سمجھتے ہیں۔