نارنگ منڈی (نامہ نگار) نیو کالاخطائی لاہور روڈ پر نیا پل چک دھیدو کے قریب تیز رفتار مسافر بس کی سائیڈ لگنے سے موٹرسائیکل سوار 2 نوجوان عاقب جاوید گجر حافظ شاہدگجرسکنہ کالاخطائی جاں بحق جبکہ تیسرا ساتھی صداقت علی گجر شدید زخمی ہوگیا جسے نازک حالت میں لاہور میو ہسپتال ریفر کردیا گیا ہے۔ جاں بحق ہونے والے نوجوان موٹرسائیکل پر نارنگ منڈی سے اپنے گائوںکالاخطائی جارہے تھے چک دھیدو کے قریب تیزرفتارمسافربس نے سائیڈ مارکر انہیں بری طرح کچل دیا۔ ہلاکت کی اطلاع ملتے ہی گائوں بھر میں صف ماتم بچھ گئی اور ہر آنکھ اشکبار تھی۔