لاہور (خصوصی رپورٹر) ’’ہم خیبرپی کے میں تبدیلی دیکھنے کے خواہاں تھے لیکن وہاں تبدیلی نظر نہیں آئی البتہ پنجاب میں تبدیلی ضرور دیکھی ہے خواہش ہے کہ خیبرپی کے بھی وزیراعلیٰ پنجاب شہباز شریف کے فلاحی کاموں کی تقلید کرے‘‘۔ اس امر کا اظہار پنجاب کے دورے پر آئے خیبرپی کے کے صحافیوں کے نمائندہ وفد نے کیا۔ خیبرپی کے کے صحافیوں نے کہا کہ ہم نے پنجاب کے وزیراعلیٰ شہبازشریف کی پہلے تعریفیں سن رکھیں تھیں لیکن پنجاب آ کر عملی طور پر اپنی آنکھوں سے یہاں ہونے والی ترقی اور خوشحالی کا مشاہدہ بھی کیا ہے۔ بلاشبہ شہبازشریف دیوانہ وار کام کر رہے ہیں اور ہم ان کے فلاحی کاموں سے بہت متاثر ہوئے ہیں۔ وفد کے اراکان نے کہا کہ لاہور ایک ترقی یافتہ شہر میں بدل چکا ہے جس کا سہرا شہبازشریف کو جاتا ہے۔