کراچی (آئی این پی + آن لائن) کسٹمز حکام نے کراچی سے گدھے کی 1200 کھالیں ہانگ کانگ ایکسپورٹ کرنے کی کوشش ناکام بنا دی۔ ایکسپورٹ کرنے والی کمپنی کیخلاف مقدمہ درج کر لیا گیا جبکہ مزید تحقیقات بھی جارہی ہیں۔ نجی ٹی وی کے مطابق کراچی سے گدھے کی 1200 کھالیں ہانگ کانگ ایکسپورٹ ہونے سے روکدی گئی۔ گدھے کی کھال برآمد کرنے کیلئے کمپنی کو مبینہ طور پر اجازت نامہ جاری کیاگیا جبکہ کورنٹائن ڈیپارٹمنٹ کے ذرائع کے مطابق پابندی کے بعد سرٹیفکیٹ جاری نہیں کیا گیا، کھال ایکسپورٹ کرنے کا آخری سرٹیفکیٹ27 اگست کو جاری کیاگیا تھا۔ گوشت کہاں گیا اس کا معمہ حل نہیں ہو سکا۔