لاہور (کامرس رپورٹر) صوبائی دارالحکومت میں گزشتہ 7 دنوںکے دوران پرچون سطح پر 13 سبزیوں کی قیمتوں میں 25 روپے تک جبکہ 6 پھلوں کی قیمتوں میں 11 روپے تک اضافہ ہوا ہے۔ سرکاری اعدادوشمار کے مطابق سبزیوں میں ایک کلو آلو نیا کی قیمت 2 روپے اضافے سے 33 روپے‘ پیاز ایک روپے اضافے سے 49 روپے‘ لہسن دیسی 10 روپے اضافے سے 141 روپے‘ لہسن چائینہ 4 روپے اضافے سے 166 روپے‘ بینگن 4 روپے اضافے سے 19 روپے‘ کریلے 14 روپے اضافے سے 58 روپے‘ لیموں چائینہ 14 روپے اضافے سے 69 روپے‘ گھیا کدو 3 روپے اضافے سے 42 روپے‘ سبز مرچ 11 روپے اضافے سے 85 روپے‘ شملہ مرچ 15 روپے اضافے سے 85 روپے‘ اروی 6 روپے اضافے سے 64 روپے‘ مٹر 25 روپے اضافے سے 181 اور کھیرا فارمی کی قیمت 2 روپے اضافے سے 13 روپے ہو گئی۔ پھلوں میں ایک کلو سیب کالا کولو اول کی قیمت 6 روپے اضافے سے 112‘ سیب کالا کولو میدانی 2 روپے اضافے سے 64 روپے‘ مٹھا درجن 11 روپے اضافے سے 110‘ انگور سندرخانی 7 روپے اضافے سے 207‘ مسمی درجن 6 روپے اضافے سے 85 روپے اور ایک کلو گنڈیریاں کی قیمت 3 روپے اضافے سے 38 روپے ہو گئی ہے۔
قیمتوں میں اضافہ