بھوئے آصل +کوٹ رادھا کشن +فیصل آباد+ پاکپتن+ لاہور (نمائندہ خصوصی+ نامہ نگاران+ خصوصی رپورٹر) مختلف شہروں میں 5 خواتین، بچے اور لڑکے سے زیادتی کی گئی۔ تفصیلات کے مطابق فیصل آباد میں پولیس کے مطابق تھانہ سرگودھا روڈ کے علاقہ جامعہ چشتیہ چوک کی کلثوم بی بی ٹیکسٹائل ملز میں ڈیوٹی کے بعد رات کو گھر واپس آ رہی تھی لاری اڈہ کے قریب کھڑے غلام سرور وغیرہ دو افراد نے اسے اسلحہ کے زور پر اغوا کرکے خالی مکان میں لے جا کر رات بھر باری باری زیادتی کی ۔کھرڑیانوالہ کے علاقہ چک نمبر229 ر۔ب میں سکینہ بی بی ملزموں غلام مصطفیٰ اور محمد سرور نے اسے زبردستی زیادتی کا نشانہ بنا ڈالا۔ تھانہ سٹی جڑانوالہ کے علاقہ علوی پارک میں مہوش منظور کو ذیشان نے زیادتی کا نشانہ بنا ڈالا۔ پولیس رپورٹس کے مطابق تھانہ رضا آباد کے علاقہ فیصل پارک میں ملزم اویس نے طارق کے 7 سالہ بیٹے طیب کو زبردستی زیادتی کا نشانہ بنا ڈالا جبکہ تھانہ روڈالہ روڈ کے علاقہ 286گ۔ب میں ملزم اللہ دتہ نے 10سالہ انور سے زیادتی کرنے کی کوشش کی جو بچے نے ناکام بنا دی۔ پاک پتن کے نواحی گاو¿ں ملک پور میں سات افراد نے لڑکی سے زیادتی کر ڈالی۔ یاسین کی بیٹی ثوبیہ گھر میں اکیلی تھی ملزمان اظہر وغیرہ گھر میں آ گئے اور گن پوائنٹ پر اغواءکر کے لے گئے اور مختلف مقامات پر لے جا کر زیادتی کرتے رہے۔ کوٹ رادھا کشن سے نامہ نگاران کے مطابق کوٹ رادھا کشن کے نواحی گاﺅں چک نمبر 55 میں نذیر احمد کے 13سالہ بیٹے محمد ارسلان کے ساتھ گاﺅں کے دو نوجوانوں عابد اور اُس کے ساتھی نے اُس وقت مبینہ زیادتی کی جب وہ گھر کی طرف جارہا تھا ملزمان اُسے بہلا پھسلا کر نزدیکی حویلی میں لے گئے اور زبردستی زیادتی کی۔شاہ کوٹ میں محلہ مدنی پورہ میں دیور زبیر نے اپنی بھاوج سندس نواز کو نشہ آور چیز کھلا کرکر زیادتی کر ڈالی۔ ملزم کے بھائی نے اپنی بیوی سندس نواز کی برہنہ تصاویر بنا لیں۔ ملزم کی بیوی رفیہ بی بی بھی موقع پر موجود رہی۔ لاہور سے خصوصی رپورٹر کے مطابق وزیراعلیٰ پنجاب محمد شہباز شریف نے مظفرگڑھ کی تحصیل جتوئی میں بیوہ خاتون سے مبینہ زیادتی کی خبر کا نوٹس لیتے ہوئے ڈی پی او مظفر گڑھ سے رپورٹ طلب کر لی ہے اور واقعہ کی تحقیقات کا حکم دیا ہے۔
زیادتی/ نوٹس