اسلام آباد (این این آئی)پاکستان جوڈو فیڈریشن کے زےر اہتمام ساتویں قومی سینئر، تیسری جونیئر اور دوسری بین الصوبائی ویمن جوڈو چیمپئن شپ 4 سے 8 نومبر تک لاہور مےں کھیلی جائے گی۔ پاکستان جوڈو فیڈریشن کے سیکرٹری مسعود احمد خان کے مطابق دوسری بین الصوبائی ویمن جوڈو چیمپئن شپ4 نومبر کو نیشنل سٹیڈیم لاہور میں ہوگی۔ اس ایونٹ میں تمام صوبوں کی ٹیمیں شرکت کریں گی اسی طرح تیسری جونیئر جوڈو چیمپئن شپ5 نومبر کو لاہور میں کھیلی جائے گی جس میں تمام صوبوں اور مختلف ڈیپارٹمنس کی ٹیمیں ایکشن میں نظر آئیں گی جبکہ ساتویں نیشنل سینئر جوڈو چیمپئن شپ 6 سے 8 نومبر تک کھیلی جائے گی جس میں چاروں صوبوں، فاٹا، اسلام آباد، آزاد جموں و کشمیر، گلگت بلتستان، پاکستان آرمی، واپڈا، ریلوے، پولیس، نیوی اور ایچ ای سی کی ٹیمیں حصہ لیں گی۔ واضح رہے پہلے یہ ایونٹس 8 سے 12 اکتوبر تک لاہور مےں ہونے تھے تاہم ناگزیر وجوہات کی بنا پر ان ٹورنامنٹس کے شیڈول میں تبدیلی کر دی گئی ہے۔ نئے شےڈول کے مطابق ساتویں قومی سینئر، تیسری جونیئر اور دوسری بین الصوبائی ویمن جوڈو چیمپئن شپ4 سے 8 نومبر تک لاہور مےں کھیلی جائے گی۔