سڈنی (اے پی پی) آسٹریلوی میٹاڈور ون ڈے کپ میں کوئنز لینڈ نے کرکٹ آسٹریلیا الیون کو 34 رنز سے ہرا دیا۔ سڈنی میں کھیلے گئے ٹورنامنٹ کے 18 ویں میچ میں کوئنز لینڈ نے پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 282 رنز بنائے۔ نیتھن ریئرڈان نے شاندار بیٹنگ کا مظاہرہ کیا اور 101 رنز بنائے۔ کپتان عثمان خواجہ اور جو برنز نے نصف سنچریاں سکور کیں۔ میتھیو شارٹ نے دو کھلاڑیوں کو آﺅٹ کیا۔ کرکٹ آسٹریلیا الیون مطلوبہ ہدف حاصل کرنے میں ناکام رہی اور پوری ٹیم 47.4 اوورز میں 248 رنز بناکر آﺅٹ ہوگئی۔ ہلٹن کارٹ رائٹ نے 99 رنز کی جارحانہ اننگز کھیلی تاہم وہ اپنی ٹیم کو شکست سے نہ بچا سکے۔ مارک سٹیکٹی نے چار اور کیمرون بوئس نے دو وکٹیں حاصل کیں۔ ہلٹن کارٹ رائٹ کو مین آف دی میچ کا ایوارڈ دیا گیا۔