میانوالی+رنگپور + گوجرہ (نامہ نگاران) نارنگ منڈی، فیروز والا، میانوالی، رنگپور اور گوجرہ میں اشتہاری سمیت 6 افراد نے زندگی ختم کرلی۔ تفصیلات کے مطابق محلہ گرڈ روڈ پر 6 ماہ کے بچے کے باپ عرفان افتخار غربت اور بیماری کے باعث اخراجات پورے نہ کرسکا اور زہر کھا کر زندگی ختم کر لی۔ بیوہ اپنے خاوند کی اچانک موت دیکھ کر حواس کھو بیٹھی۔عرفان محنت مزدوری کرتا تھا اور ٹی بی کا مریض تھا کمسن بچے کے اخراجات پورے نہ کر سکا اور روتا بلکتا دیکھ کر زندگی کا خاتمہ کر لیا۔ فیروز والا میں ننگل ساہداں کے قریب نوجوان گوجرانوالہ سے لاہور آنے والی ٹرین کے سامنے کود گیا، جبکہ نوجوان عرفان نے گھریلو پریشانیوں سے دلبرداشتہ ہو کر زہریلی گولیاں کھا لیں ہسپتال میں دم توڑ گیا۔میانوالی میں قتل کے مقدمہ کے اشتہاری نے خود کو گولی مار کر زندگی کا خاتمہ کرلیا۔ نواحی علاقہ سوانس کے قتل کے مجرم اشتہاری رب نواز خاں نے حالات سے دلبرداشتہ ہوکر خود کو گولی مار لی۔ رنگپور میں غربت سے تنگ 45 سالہ شخص نے خودکشی کر لی، نواحی گائوں چک زمان داخلی موضع بلند کے محمد شیر نے مالی حالات سے تنگ آ کر خود کو گولی مارکرزندگی کا خاتمہ کرلیا۔ 424 ج ب کے بشارت مسیح جو شراب نوشی کا عادی بیان کیا جاتا ہے رسی کا پھندا لے کر مکان کے گارڈر کے ساتھ لٹک کر زندگی ختم کرلی۔