کوٹ رادھا کشن، گجرات، اوکاڑہ، قصور میں5 سالہ بچے، خاتون اور 2 لڑکوں سے زیادتی
گجرات/ اوکاڑہ/ قصور (نمائندہ نوائے وقت+ نامہ نگاران) کوٹ رادھا کشن میں 5 سالہ بچے، گجرات، اوکاڑہ اور قصور میں خاتون اور 2 لڑکوں سے زیادتی کی گئی۔ گاؤں کلارک آباد میں ذیشان نے پانچ سالہ بچے اشسنا کو بہلا پھسلا کر قریبی حویلی میں لے گیا اور زیادتی کر ڈالی لوگوں نے ملزم کو پکڑ لیا۔گجرات میں ٹانڈہ میں ایک گھر میں داخل ہوکر شادی شدہ خاتون (ن ) بی بی سکنہ سیالکوٹ کو اسلحہ کے زور پر ایک نوجوان نے زیادتی کا نشانہ بنا ڈالا، جسمانی تشدد کا بھی نشانہ بنایا جس سے خاتون بے ہوش ہوگئی۔ اوکاڑہ کے نواحی قصبہ کماں کے نوجوان اعجاز سیالوی نے پولیس تھانہ چوچک میں درخواست دی ملزمان شعیب اور اسد بہانے سے بلا کر اس کے اپنے ساتھ لے گئے اور زیادتی کا نشانہ بنا ڈالا۔ قصور میں کوٹ رادھا کشن کے چک نمبر 55 میں اوباش ملزمان نے 13سالہ لڑکے کے ساتھ زیادتی کر ڈالی۔ مقدمہ کے مدعی نذیر احمد نے بتایا اس کا بیٹا ارسلان بازار سے گھر واپس آ رہا تھا راستہ میں عابد کی حویلی کے قریب سے گزرا تو ملزمان عابد اور شاکر اسے ورغلا پھسلا کر حویلی میں لے گئے اور زبردستی اس کے ساتھ بدفعلی کرڈالی۔
