نئی دہلی (آن لائن) بھارتی ہندو انتہا پسند تنظیم شیو سینا نے پاکستانی نوبل انعام یافتہ ملالہ یوسفزئی کو بھارت آنے کی دعوت دیدی ہے۔ میڈیا رپورٹس کے مطابق بھارتی ہندو انتہا پسند تنظیم شیو سینا کے رہنما سنجے راوت کا کہنا ہے کہ ملالہ یوسفزئی بھارت آنا چاہتی ہیں تو انکا خیر مقدم کریں گے۔ انکا کہنا تھا کہ ملالہ یوسفزئی کی شخصیت، قربانی اور کردار سے شدید متاثر ہیں، انکی خوب مہمان نوازی کریں گے۔ ٹائمز آف انڈیا کے مطابق انہوں نے کہا کہ انکا بھارت میں امن کے پجاریوں کیلئے یہ پیغام ہے کہ ان کی جماعت نے ہمیشہ پاکستان میں دہشت گردی کیخلاف نوجوانوں کی کوششوں کو سراہا ہے اور اگر ملالہ نے بھارت آنے کا ارادہ کیا تو خیرمقدم کریں گے۔