قومی کرکٹ ٹیم کے سابق منیجر، چیئرمین سینیٹ رضا ربانی کے سسر یاور سعید80سال کی عمر میں انتقال کرگئے ‘نماز جنازہ کل ہوگی
لاہور (سپورٹس رپورٹر) پاکستان کرکٹ ٹیم کے سابق منیجر اور چیئرمین سینیٹ رضا ربانی کے سسر یاور سعید 80سال کی عمر میں انتقال کرگئے ۔ مرحوم کی نماز جنازہ کل بروز جمعہ صبح ساڑھے دس بجے 91 سی ٹیک سوسائٹی لاہور میں ادا کی جائےگی ۔مرحوم پاکستان کرکٹ ٹیم کے پہلے کپتان ایم سعید کے بیٹے تھے ۔ پی سی بی کے چیئرمین شہر یار خان اور چیف آپریٹنگ آفیسر سبحان احمد نے یاور سعید کے انتقال پر گہرے دکھ اور افسوس کا اظہار کرتے ہوئے لواحقین کو یہ صدمہ برداشت کرنے کی توفیق اور مرحوم کے بلند درجات کیلئے دعا کی ہے ۔
