اسلام آباد (آن لائن)پاکستان سمیت دنیا بھر میں اقوام متحدہ کا یوم تاسیس آج منایا جائیگا۔ اس روز دنیا بھر کے ذرائع ابلاغ یوم اقوام متحدہ کی مناسبت سے پروگرام نشر کریں گے۔ دنیا بھر کی طرح پاکستان میں بھی قومی اخبارات اس روز خصوصی ایڈیشن شائع کریں گے جبکہ سیمینارز اور مذاکرے بھی منعقد ہوں گے۔ ادھرپاک فوج کاکہناہے کہ دنیا کواقوام متحدہ کے امن مشن میں پاکستانی فوجیوں کی قربانی نہیں بھولنی چاہئے۔ قائداعظمؒ کی فکر کی بنیاد پرپاکستان نے دنیا میں امن کے فروغ اورخوشحالی کیلئے اپنا کردار اداکیا ہے پاکستان نے 1960ء میں اقوام متحدہ کے امن آپریشن میں حصہ لینا شروع کیا تھا اور سب سے پہلے کانگو میں اپنے فوجی اقوام متحدہ کے امن مشن میں بھیج دیئے تھے گزشتہ 55 سال سے پاکستان اقوام متحدہ کے امن فوجی مشنز میں سب سے زیادہ فوجی خدمات اداکرنیوالاملک ہے۔