واشنگٹن (آن لائن) امریکی ریاست اوکلوہوما میں نشے میں دھت خاتون ڈرائیور نے یونیورسٹی کی پریڈ دیکھنے والوں پر گاڑی چڑھا دی۔ جس سے تین افراد ہلاک اور درجنوں زخمی ہو گئے۔ اوکلوہاما سٹیٹ یونیورسٹی کے نئے آنے والے طلباء کے اعزاز میں پیریڈ کے دوران تیز رفتاری کے باعث ایک گاڑی ہجوم پر چڑھ دوڑی۔ جس سے درجنوں افراد شدید زخمی ہو گئے جنہیں فوری طور پر ہسپتال منتقل کیا گیا جہاں تین افراد موقع پر دم توڑ گئے۔ پولیس کے مطابق 25 سالہ مقامی خاتون شراب نوشی کی حالت میں پیریڈ دیکھنے والوں کو کچلتی ہوئی آگے نکل گئی۔ خاتون ڈرائیور کو گرفتار کر لیا گیا۔ حادثے میں زخمی ہونے والے کئی افراد کی حالت تشویشناک بتائی گئی ہے۔