لاہور + فیروز والا (نامہ نگاران) لاہور کے مختلف علاقوں میں 11 وارداتیں، ڈاکوؤں نے شہریوں سے 27 لاکھ کا مال لوٹ لیا۔ ڈاکوؤں نے قائداعظم انڈسٹریل ایریا کے علاقہ ٹائون شپ میں قیصر کے گھر گھس کر اہلخانہ کو گن پوائنٹ پر یرغمال بنا کر 10لاکھ روپے، غالب مارکیٹ میں رضا کے گھر سے 8 لاکھ روپے کی نقدی، طلائی زیورات، موبائل فون اور دیگر سامان، مغلپو رہ میں محمد علی اور اس کی فیملی سے 4لاکھ روپے، اسلام پورہ میں بلال سے 2 لاکھ، لٹن روڈ میں ریحان سے 97 ہزار روپے اور موبائل، راوی روڈ میں منیر سے 86 ہزار اور موبائل، گارڈن ٹائون میں رحمت سے 46 ہزار اور موبائل، ٹائون شپ میں ارشد سے 32 ہزار او موبائل، جوہر ٹائون میں رفاقت سے 31 ہزار اور موبائل، راوی روڈ میں یاسین سے 23ہزار اور موبائل، شاہدرہ ٹائون میں ابوبکر سے 16ہزار او رموبائل لوٹ لیا۔ چوروں نے راوی روڈ سے احمد، شفیق آباد سے پرویز، شفیق آباد، اسلام پورہ سے امداد، کوٹ لکھپت سے گوہر ، اچھرہ سے آصف کی گا ڑیاں جبکہ اقبال ٹائون سے شفیق، مصری شاہ سے اظہر ، ڈیفنس سے نومی، مغلپورہ سے محمد عاطف اور عمر، لٹن روڈ سے عاصم، وحدت کالونی سے اقبال، سمن آبادسے نعمان، نواں کوٹ سے علی، ساندہ سے شاہداور محمد رفیق ، شاہدرہ ٹائون سے امانت علی کی موٹر سائیکلیں چوری کر لی ہیں۔ فیروزوالا سے نامہ نگار کے مطابق ڈاکوؤں نے لاہور روڈ پر بائی پاس کے قریب گن پوائنٹ پر آصف اور بھینی کے قریب ذوالفقار علی سے موٹرسائیکل اور رقم چھین لی۔ چوروں نے زبیر کی دکان کے تالے توڑ کر ہزاروں روپے کا قیمتی سامان چوری کر لیا۔ ڈاکوؤں نے قاری نوید احمد کے گھر اہل خانہ کو یرغمال بنا کر لاکھوں روپے کے زیورات، نقدی چھین لی۔ ڈاکوؤں نے اہلخانہ کو تشدد کا نشانہ بھی بنایا۔ نامعلوم چوروں نے بجلی کے تار اور سوئی گیس کے میٹر بھی چوری کر لئے۔ پولیس نے مقدمات درج کر لئے ہیں۔