لاہور (خصوصی رپورٹر) تحریک انصاف کے چیئرمین عمران خان نے زلزلہ سے متاثرہ علاقوں میں اپنے دورے کے باعث کل 28 اکتوثر کو فیصل آباد میں ہونے والا ورکرز کنونشن ملتوی کر دیا۔ یہ بات تحریک انصاف پنجاب کے ترجمان نے بتائی۔ دریں اثناءتحریک انصاف پنجاب نے این اے 122 کے حوالے سے بلائی گئی آل پارٹیز کانفرنس کو تباہ کن زلزلہ سے جاںبحق ہونے والے افراد کے سوگ میں ملتوی کر دیا ہے۔ تحریک انصاف کے زیر اہتمام اے پی سی آج منگل کو ہونے والی تھی۔ تحریک انصاف پنجاب کے آرگنائزر چودھری سرور نے بتایا کہ زلزلے کے سوگ میں اے پی سی کو ملتوی کیا گیا ہے اور نئی تاریخ تحریک انصاف پیپلز پارٹی، عوامی تحریک، جماعت اسلامی، ق لیگ، سنی اتحاد کونسل و دیگر جماعتوں کے قائدین کی مشاورت سے طے کرے گی۔
عمران کنونشن ملتوی