ڈنگہ /گجرات (نامہ نگاران) ڈنگہ میں سابقہ دشمنی پر مخالفین کی فائرنگ سے ایک ہی خاندان کے 3 افراد قتل 3 زخمی ہو گئے۔ تفصیل کے مطابق ڈنگہ کے علاقہ کنگ چنن اڈے کے قریب موٹر سائیکل سوار مسلح افراد نے اندھا دھند فائرنگ کر کے کار سوار گردانوالہ کے رہائشی غلام عباس اس کے 16سالہ بیٹے زین عباس ، کزن مزمل حسین ، غلام مرتضیٰ اور 10سالہ بیٹی فضیلت کوثر کو زخمی کر دیا غلام عباس ، مزمل حسین ، غلام مرتضیٰ موقع پر جاں بحق ہو گئے جبکہ 11سالہ فضیلت ، 17سالہ زین اور آصف کو تشویشناک حالت میں سی ایم ایچ کھاریاں ریفر کر دیا گیا۔ تھانہ ڈنگہ نے تینوں نعشوں کو پوسٹمارٹم کیلئے ہسپتال پہنچا کر کارروائی شروع کر دی۔ پولیس کے مطابق عباس گروپ اور ارشد گروپ کے درمیان کئی سالوں سے دشمنی چلی آرہی ہے کچھ عرصہ قبل عباس گروپ نے ارشد گروپ کے افراد کو فائرنگ کر کے قتل کر دیا تھا جس کے مقدمات تھانہ ڈنگہ میں درج ہیں۔ تھانہ ڈنگہ پولیس نے ملزموں ارشد، سہیل، عاصم اور 4 نامعلوم افراد کیخلاف مقدمہ درج کر لیا اور 3 ملزموں کو گرفتار کرکے اسلحہ برآمد کر لیا۔