نارنگ منڈی (نامہ نگار) ٹرین ڈرائیورکی حاضر دماغی سے ٹریکٹر ٹرالی پر سوار 30بچوں سمیت 40محنت کش افراد موت کے منہ میں جانے سے بال بال بچ گئے۔ نارنگ منڈی کے گائوں الہ پور سیداں کے قریب ریلوے پھاٹک کھلا تھا اور نارووال سے لاہور جانے والی لاثانی ایکسپریس جب پھاٹک کے قریب پہنچی تو ٹریکٹر ٹرالی ریلوے لائن کے کراسنگ پھاٹک پر پھنس گئی اور ڈرائیور نے بچوںکی چیخ و پکار پر ہنگامی بریک لگائے اور مسافر ٹرین صرف ایک فٹ کے فاصلہ پر رک گئی واضح رہے کہ ریلوے حکام کی واضح ہدایات کے باوجود مذکورہ سیکشن کے ریلوے کراسنگ پھاٹکوں پر عملہ ڈیوٹی دینے کی بجائے ملی بھگت سے گھروں میں بیٹھ کر تنخواہیں وصول کررہا ہے جس کی وجہ سے حادثات معمول بن چکے ہیں۔