لاہور (سپورٹس رپورٹر) 32 ویں گورنرز گالف چیمپئن شپ لاہور جم خانہ میں شروع ہو گئی۔ پہلے روز پاکستان ہاکی فیڈریشن کے سابق سیکرٹری اولمپیئن آصف باجوہ شاندار کھیل کی وجہ سے سرفہرست رہے۔ انکا نیٹ سکور 67 رہا۔ لاہور جم خانہ کے خورشید عزیز، نجم حفیظ اور جمال ناصر 69 نیٹ سکور کے ساتھ دوسرے نمبر پر ہیں۔ دیگر نمایاں گالفرز میں خواجہ جہانزیب کا نیٹ سکور 70، عثمان سلیم چیمہ، ایم سلیم رضا اور تیمور شبیر کا سکور 71 رہا۔ گراس میں سردار مراد اور ثاقب طفیل 74 سکور کے ساتھ پہلے نمبر پر موجود ہیں۔ چیمپیئن شپ میں آج سینئر امیچورز کے مقابلے ہونگے جس میں 68 گالفرز ایکشن میں دکھائی دینگے۔