بہاولنگر + ہارون آباد (نمائندہ نوائے وقت + نامہ نگار) بہاولنگر کے نواح میں پولیس مقابلہ، تین ڈاکو موقع پر ہلاک، دو فرار ہونے میںکامیاب۔ تفصیلات کیمطابق پانچ نا معلوم ڈاکو چک نمبر 102/6Rکے قریب عمران سے اسلحہ کے زور پر موٹر سائیکل، موبائل فون اور نقدی چھین کر فرار ہو گئے ۔ پولیس کو اطلاع ملنے پر ضلع بھر میں ناکہ بندی کر دی گئی جب ڈاکو 25/3Rعلاقہ تھانہ ہارون آباد صدر پہنچے تو پولیس سے آمنا سامنا ہو گیا۔ ڈاکوئوں نے پولیس پر فائرنگ کر دی ۔ کافی دیر پولیس مقابلے کے بعد تین ڈاکو موقع پر ہلاک ہو گئے جبکہ دو فرار ہو گئے۔ ہلاک ہونیوالے ڈاکوئوں کی نعشیں پولیس نے قبضہ میں لیکر پوسٹ مارٹم کیلئے ڈسٹرکٹ ہسپتال پہنچا دیں۔ تا حال ہلاک ہونیوالے ڈاکوئوں کی شناخت نہ ہو سکی جبکہ فرار ہونیوالے ڈاکوئوں کی گرفتاری کیلئے پولیس چھاپے مار رہی ہے۔