سینئر ورلڈ رینکنگ : ٹینس چیمئن شپ:عدنان خان، شہریار، محمد عارف، وکیل خان سیمی فائنل میں پہنچ گئے
لاہور(سپورٹس رپورٹر) آئی ٹی ایف سینئرز ورلڈینکنگ ٹینس چیمپئن شپ 2015ء کے تیسرے روز پاکستانی کھلاڑی چھائے رہے۔کچھ ایج گروپ کیٹیگریز میں کوارٹرفائنلز مکمل ہوئے اور کچھ میں سیمی فائنل مکمل ہوئے۔ تیسرے روز مینز سنگل 35 سال ایج گروپ میں کوارٹرفائنل میںعدنان خان نے عرفان اللہ خان ، شہریار سلامت نے حسن سید‘ محمد عارف نے حیدر علی‘ وکیل خان نے عمر ایاز خلیل کو ہریا۔ مینز سنگل 50 میں ہرش شرما نے کامران قریشی کوہرا کر سیمی فائنل کیلئے کوالیفائی کیا۔ مینز سنگل 55 ایج گروپ پہلے سیمی فائنل میں راکیش کوہلی نے سید نوید حسن رضوی کوہرایا‘ مبین ملک کو نریش کھتری کے خلاف واک اوور مل گیا۔ مینز 60 سنگل کے سیمی فائنلز میں وقار نثار نے اکبر حیات خان ‘ اسد نیاز نے زاہد رائے کو ہرایا۔ مینز سنگل 65 سال ایج گروپ کے سیمی فائنل میں چودھری مشتاق احمد نے لئیق احمد پیرزاد‘ پرویز باجوہ نے شاہد محمود کوہرایا۔مینز ڈبلز 35 سال ایج گروپ کے کوارٹرفائنل میں اسرار گل خان نے محمد عارف ، اشعر علی خان اور فیصل مجید نے قادر اور فیاض نذیر کوہرایا۔
