لاہور(سپورٹس رپورٹر) پاکستان جوڈو فیڈریشن کے زیر اہتمام اور سپورٹس بورڈ پنجاب کے تعاون سے منعقد ہونیوالی بین الصوبائی نیشنل گرلز جوڈو چیمپئن شپ پنجاب نے جیت لی۔ خیبر پی کے نے دوسری جبکہ فاٹا نے تیسری پوزیشن حاصل کی۔ نشتر پارک سپورٹس کمپلیکس کے جمنیزیم ہال میں بدھ کے روز ہونیوالی بین الصوبائی قومی گرلز جوڈو چیمیئن شپ پنجاب نے 4گولڈ میڈل حاصل کرکے جیت لی، خیبر پی کے تین گولڈ میڈل کے ساتھ دوسرے جبکہ فاٹا دو سلور میڈلز جیت کر تیسرے نمبر پر رہا۔ پنجاب کی ثمرہ، صاعقہ، کشف اور صاعقہ، خیبر پختونخوا کی کوثر، اروا اور حسینہ نے گولڈ میڈلز جیتے،فاٹا کی شگفتہ اور عدیلہ نے سلور میڈلز حاصل کئے۔