چیچہ وطنی (نامہ نگار) چیچہ وطنی ریلوے سٹیشن کے قریب سہ پہر تین بجے کراچی سے پریم نگر جانیوالی کے پی اے مال گاڑی کے انجن میں اچانک آگ لگ گئی۔ ریسکیو 1122 نے فوری طور پر موقع پر پہنچ کر آدھے گھنٹے کی جدوجہد کے بعد آگ پر قابو پا لیا گاڑی کے ڈرائیور غلام یٰسین کے مطابق آگ پیپر فلٹر میں لگی تاہم انجن محفوظ رہا۔ اپنے ہیڈکوارٹر اطلاع کر دی گئی ہے۔ متبادل ا نجن آنے پر گاڑی روانہ ہو جائے گی۔ گاڑی میں امپورٹڈ مصنوعات کے کنٹینر اور کوئلہ لوڈ تھا۔