فتح جنگ + ہری پور (اے پی پی+ این این آئی) فتح جنگ اور ہری پور میں ٹریفک حادثات، میاں بیوی سمیت 5 افراد جاں بحق، 16زخمی ہوگئے۔ کوہاٹ روڈ پر ٹریفک کے المناک حادثے میں میاں بیوی سمیت تین افراد جاں بحق 15 زخمی ہو گئے۔ تفصیلات کے مطابق حادثہ فتح جنگ سے 10 کلومیٹر دور بھال سیداں کے مقام پر پیش آیا جہاں مسافر ٹیوٹا ہائی ایس ٹائر پھٹ جانے کے باعث بے قابو ہوکر درخت سے جا ٹکرائی جس کے نتیجہ میں3 افراد موقع پر جاںبحق جبکہ15 زخمی ہوگئے۔ ہری پورمیں جی ٹی روڈ پر پانیاں کے قریب تیز رفتار وین بے قابو ہوکر موٹر سائیکل سے ٹکرا گئی 2 افراد موقع پر ہی جاں بحق جبکہ ایک زخمی ہوگیا۔