لاہور (نمائندہ سپورٹس) سپورٹس بورڈ پنجاب کے تعاون سے منعقد ہونیوالی 7ویں نیشنل وومن سینئر جوڈو چیمپئن شپ میں پاک آرمی نے 8میڈلز جیت کر میدان مار لیا۔ پاک آرمی نے 8میڈلز جیت کر چیمپئن شپ جیت لی، آرمی نے سونے کے 4، چاندی اور کانسی کے 2،2دو میڈلز جیتے۔واپڈا 4گولڈ، 2سلور اور 1برانز میڈلز کیساتھ دوسرے نمبر پر رہا جبکہ ایچ ای سی نے چاندی کے دو اور کانسی کا ایک تمغہ جیت کر تیسری پوزیشن حاصل کی، 52کلوگرام سے کم وزن کی کیٹیگری میں واپڈا کی مریم مرتضیٰ نے سونے، آرمی کی پامیلا نے چاندی، سندھ کی صبور اور ڈی ایچ اے کی صاعقہ نے کانسی، 57کلوگرام سے کم وزن کی کیٹیگری میں واپڈا کی شمائلہ گل نے گولڈ، آرمی کی عاصمہ نے سلور، ایچ ای سی کی شمائلہ اور بلوچستان کی بختاور نے برانز،63کلوگرام سے کم وزن کی کیٹیگری میں واپڈا کی عنبرین عاشق نے گولڈ، ایچ ای سی کی کشف جاوید نے سلور، آرمی کی فضیلت اور خیبر پی کے کی ارشہ نے برانز ،70کلوگرام سے کم وزن کی کیٹیگری میں آرمی کی فوزیہ نے گولڈ ،ایچ ای سی کی عدیلہ نے سلور ،واپڈا کی سونم برکت اورآزادجموں وکشمیر کی اروج ذوالقرنین نے برانز کے تمغے جیتے۔