کراچی (نوائے وقت رپورٹ) پیپلز پارٹی کو سیاسی تاریخ کا سب سے بڑا سیاسی جھٹکا لگا ہے۔ پیپلز پارٹی کو لیاری سے بلدیاتی امیدوار نہ مل سکے۔ واضح رہے پیپلز پارٹی لیاری کا ہمیشہ سے گڑھ رہا ہے مگر اس جماعت کو لیاری کی 7 یونین کمیٹیوں پر چیئرمین، وائس چیئرمین کیلئے امیدوار نہ مل سکے۔ یونین کمیٹی 3 اور یو سی 4 نواں آباد سے پیپلز پارٹی کا کوئی امیدوار نہیں۔ یونین کمیٹی 6 موسیٰ لین سے بھی پیپلز پارٹی کا کوئی امیدوار نہیں۔ یونین کمیٹی 5 کھڈہ میمن سوسائٹی میں بھی جیالے امیدوار موجود نہیں۔ لیاری سے وارڈ کونسلر کی 39 نشستوں پر بھی کوئی جیالا امیدوار نہیں۔ نانک واڑہ یوسی، وارڈ کونسلر کی 4 نشستوں پر جیالے امیدوار مفقود ہیں۔