اسلام آباد (آئی این پی) قومی اسمبلی میں قائد حزب اختلاف سید خورشید شاہ نے قومی اسمبلی سپیکر کے انتخاب میں ووٹ تو ایاز صادق کو دیا جبکہ تھپکی پی ٹی آئی کے شفقت محمود کو دے ڈالی۔ تفصیلات کے مطابق پیر کو قومی اسمبلی کے بیسویں سپیکر کے انتخاب میں قائد حزب اختلاف خورشید شاہ نے ووٹ کاسٹ کیا۔ اس موقع پر انہوں نے پی ٹی آئی کی طرف سے سپیکر کے امیدوار شفقت محمود کو تھپکی دی ووٹ کاسٹ کرنے کے بعد میڈیا سے گفتگو کرتے ہوئے انہوں نے کہا کہ مسلم لیگ (ن) کو نہیں بلکہ ایاز صادق کی کارکردگی کو ووٹ دیا ہے۔