لاہور (نمائندہ سپورٹس) اہلیہ کی طبیعت اچانک خراب ہونے کی وجہ سے پاکستان کے ون ڈے سکواڈ میں شامل اہم مڈل آرڈر وکٹ کیپر بیٹسمین محمد رضوان وطن واپس آگئے۔ محمد رضوان آج کھیلے جانے والے سیریز کے پہلے میچ کے لئے دستیاب نہیں ہونگے۔محمد رضوان متحدہ عرب امارات جانے کا فیصلہ اپنی اہلیہ کے صحت میں بہتری کو دیکھنے کے بعد کریں گے۔ محمد رضوان مڈل آرڈر میں پاکستان ٹیم کے اہم اور مستقل مزاجی کے ساتھ پرفارمنس کے باعث خاصی اہمیت رکھتے ہیں۔