لاہور (آن لائن+ صباح نیوز) لاہور، شیخوپورہ اور قریبی علاقوں میں زلزلے کے جھٹکے محسوس کئے گئے۔ لوگ کلمہ طیبہ کا ورد کرتے گھروں سے نکل آئے۔ ریکٹر سکیل پر شدت 3.4 ریکارڈ کی گئی۔ زلزلہ پیما مرکز کے مطابق زلزلے کا مرکز لاہور سے 50 کلومیٹر دور مغرب میں تھا جو کہ شیخوپورہ بنتا ہے۔ زلزلے کی گہرائی 30 کلو میٹر ریکارڈ کی گئی۔ شیخوپورہ میں 3.4 شدت کے زلزلے سے لوگوں میں خوف و ہراس پھیل گیا اور لوگ کلمہ طیبہ کا ورد کرتے گھروں سے باہر نکل آئے۔ محکمہ موسمیات کے مطابق زلزلے کے جھٹکے 3 بج کر 48 منٹ پر محسوس کیے گئے۔ زلزلے سے ہونے والے کسی قسم کے نقصان کی اب تک اطلاع موصول نہیں ہے۔